Las autoritads grischunas tiran ina bilantscha positiva dal WEF 2015. Il 45avel inscunter economic a Tavau saja stà bain visità. Tut ils commembers dal Cussegl federal sajan vegnids per discutar il context naziunal ed internaziunal.
Las mesiras da segirtad hajan funcziunà bain cun dapli controllas e dapli persunal. Las demonstraziuns a l'ur sajan stadas paschaivlas. Il WEF rinforzia il num da la Svizra sco lieu paschaivel e segir per in dialog davart las sfidas politicas ed economicas.
