Votantas e votants da Claustra-Serneus ston dir Gea a la revisiun parziala da la planisaziun locala, per ch'il project grond «Ober Ganda» po insumma vegnir realisà. Cun 14 tar nulla vuschs ha il cussegl communal approvà il mardi saira il project che prevesa in hotel da trais stailas cun 78 chombras dublas e 156 letgs sco era 7 chasas cun totalmain 78 abitaziuns da vacanzas.
Part da la strategia 2020
Il resort da famiglias fiss tenor la suprastanza communala il davos term impurtant en la strategia 2020 da las pendicularas Madrisa. Quellas vulan cun quest project era garantir lur agen manaschi.
Ils 25 da november ha il suveran perquai era d'approvar il contract en dretg da construcziun tranter las pendicularas e la vischnanca.
RR novitads 12:00