Siglir tar il cuntegn

Header

cuntegn

Ulteriur Grischun Implant solar St.Antönien: Segund naufragi

Las ovras electricas dal chantun Turitg EKZ na vulan tuttina betg bajegiar in nov implant solar al Chüenihorn sur St.Antönien.

Suenter ch'in emprim project l'onn 2015 ha fatg naufragi hai da la primavaira nova speranza per in project. Las ovras electricas dal chantun Turitg (EKZ) han vulì montar ils panels solars sin ils rempars da lavinas.

EKZ: «Dubel uschia char che pensà l'emprim»

Ussa haja sa mussà, che quai vegniss bler pli char che pensà l'entschatta, uschia l'EKZ en ina communicaziun. Ina producziun che cuvriss ils custs na fiss betg pussaivla.

Sin dumonda dal schurnal regiunal da SRF haja il pledader da medias detg: «Il fundament stuess vegnir bajegià bler pli ferm per pudair resister las cundiziuns meteorologicas.» Uschia fissan ils custs per 50% pli auts che pensà enfin uss.

Luzein, la vischnanca fusiunada, è dischillusiunà

Che l'idea ha gia fatg per la segunda giada naufragi dischillusiunescha la vischnanca da Luzein, nua che St. Antönien appartegna dapi la fusiun: «Nus avain investì bler ed er gia sperà ch'il project vegnia realisà», uschia il president da vischnanca Christian Kasper.

RR novitads 20:00

Artitgels legids il pli savens