En bun in onn duain tut ils locataris esser sa chasads en ils novs spazis, ha communitgà la possessura AXA il plan da termins il venderdi. La patruna da fabrica ha investì radund 60 milliuns francs en ses project. Actualmain sajan 70% da la surfatscha da biro e 50% da la surfatscha da vendita gia dadas a fit.
Maschaida da locataris – da dentists sur Rituals fin a Cafézeit
En il plaun sutteran è planisada ina halla da fiera ed ina colliaziun directa cun la passascha da la staziun. Tar ils locataris tutgan tranter auter il Coop u er l'ustria Cafézeit che sa chattava fin qua visavi dal teater da Cuira. Tranter las butias sin il plaun terren sa chattian filialas da las chadainas Rituals, Sostrene Grene, Gidor u er Lush.
-
Bild 1 von 8. Na betg tuts - ma entgins dals locataris èn gia enconuschents. Bildquelle: RTR, Gierina Gabriel.
-
Bild 2 von 8. Corna da capricorns duain ils dus edifizis simbolisar. Bildquelle: MAD.
-
Bild 3 von 8. Vista sin la staziun da Cuira. Bildquelle: RTR, Gierina Gabriel.
-
Bild 4 von 8. Il Coop, FOL Popcorn ed il Cafézeit èn tranter ils locataris che sa chasan en il plaun sutterran. Bildquelle: MAD.
-
Bild 5 von 8. La halla da fiera è colliada cun l' plau terren. Bildquelle: RTR, Gierina Gabriel.
-
Bild 6 von 8. En il mument anc be miraglia - il nov bajetg Capricorn. Bildquelle: RTR, Gierina Gabriel.
-
Bild 7 von 8. Dasper biros e butias vegnan er dadas a fit 42 abitaziuns. Bildquelle: MAD.
-
Bild 8 von 8. Ina halla da fiera en il plaun sutterran cun colligiaziun directa tar la passascha da la staziun porscha il nov stabiliment. Bildquelle: MAD.
Servetschs da sanadad sco per exempel dentists, medis dad egls u fisioterapeuts han chattà spazi en las auzadas sura. Vinavant porschan ils dus edifizis 42 abitaziuns.
RR actualitad 17:10 / Telesguard 17:40