In ressort turistic amez Cuira?

La citad da Cuira duess survegnir in ressort da turissem amez la citad sin l'areal da la halla da la citad. Quai prevesa silmain in'idea da la suprastanza da Cuira.

Halla da la citad da Cuira Bild in Lightbox öffnen.

Legenda da maletgs: Sin l’areal da la halla da la citad da Cuira fiss quest nov resort planisà. Keystone

Sin il grond parcadi, sper la halla da la citad duessi dar quest nov ressort turistic. In ressort che duess dar nov schlantsch a las pendicularas da Brambrüesch.

La staziun da las pendicularas vegniss numnadamain integrada en quest center turistic. En quai senn dat la suprastanza resposta sin ina interpellaziun en il parlament. Il culm da Brambrüesch duess daventar, grazia a quest ressort, in culm spezialmain per scarsolar l’enviern e per ir cun mountainbike la stad.

Tenor la suprastanza, na duessi betg restar tar in'idea. In studi duess mussar, co ins savessi realisar quest project a Cuira. La primavaira 2019 duess la populaziun da Cuira savair votar davart quella proposta.

RR novitads 12:00