-
Bild 1 von 6. Simon Klarer (san) cun il chef dal project Sandro Pucher. Bildquelle: RTR, Selina Chistell .
-
Bild 2 von 6. I na dat betg bler plaz. Las maisas èn fitg da strusch ina a l'autra. Bildquelle: RTR, Selina Chistell .
-
Bild 3 von 6. Vers mezdi è il vagun s'emplenì cun giasts. Bildquelle: RTR, Selina Chistell .
-
Bild 4 von 6. Avant ch'ir en il vagun han ils giasts anc pudì baiver in prosecco ni vin chaud. Bildquelle: RTR, Selina Chistell .
-
Bild 5 von 6. In tren n'è betg in lieu classic per ir a gentar u tschaina. Bildquelle: RTR, Selina Chistell .
-
Bild 6 von 6. En quest ed anc in vagun han las studentas ed ils students da turissem e hotellaria savì beneventar entaifer dus dis 240 giasts. Bildquelle: RTR, Selina Chistell.
La classa dal quart semester da la Scola svizra per turissem e hotellaria n'ha betg gist elegì il pli sempel lieu per metter en pe lur ustaria da pop-up ch'els mainan durant dus dis. Ils vaguns da tren nua ch'els beneventan ils giasts èn numnadamain fitg stretgs. Quai fatg haja er pretendì mesiras in zic spezialas, declera il student e manader da project Sandro Pucher. Cuschinà hajan els numnadamain tut en chasa da scola a Passugg.
Cuschinar qua na fiss betg stà pussibel. Nus savain sulettamain tegnair chaud e pinar ils plats en il vagun.
Er il service saja ina sfida en ils dus vaguns stretgs. Giasts e persunas dal service sappian strusch sa cruschar. Uschia ch'ils students dettian segns in a l'auter cun tschivlar ni clamar.
Or da la stanza da scola
Ils students han tschaffen da far in project pratic. Il project da manar ina ustaria da pop-up per dus dis saja ina buna chaschun per empruvar ora ed emprender insatge per pli tard.
Ils students han tiers las sfidas gì success cun lur project. Durant ils dus dis è lur ustaria da pop-up quatter giadas stada occupada cumplettamain. Vul di da gentar e da tschaina. Quai fan quatter giadas 60 giasts.
RR actualitad 17:00