In runal, in aissa ed in lai – wakeboarding a Tavau

Dapi questa fin d'emna datti ina nov'attracziun sin il Lai da Tavau. In runal tira ils wakeboarders sur in chantun dal lai. Quai è ina fasa da pilot che cuzza set emnas.

Laschar ir video «Wakeboarders sin il Lai da Tavau»

Wakeboarders sin il Lai da Tavau

0:38 min, dals 3.7.2016

Wakeboarding a Tavau

3:04 min, Actualitad dals 04.07.2016

Durant set emnas pon wakeboarders nizzegiar l'indriz sumegliant ad in runal per ir cun skis, quai en il rom da las Wake Weeks. Ina pitschen d'ina vart dal lai, in segund da l'autra vart. Tranteren ina suga da bundant 200 meters ed in motor che tira ils wakeboarders sur l’aua e sur ils obstachels ch’èn en l’aua. Ils profis pon far sigls e trics ed ils novizs pon simplamain laschar trair sasez sur l’aua.

Davent dal fanadur pon ins grazia ad in runal far il wakeboarden sil Lai da Tavau. Avrir maletg en lightbox.

Legenda da maletgs: Wakeboarder sil Lai da Tavau A partir dal fanadur pon ins – grazia ad in runal – far il wakeboarden sin il Lai da Tavau. RTR, P. Bundi

Betg malsegir

Grazia a vestgids da neopren na sajan las temperaturas bassas nagin tema. E grazia a vestas da nudar e chapellinas na saja quai er betg malsegir. Sper quai sappia quel che regulescha il runal er regular il tempo ed uschia ir en bain sin il nivel dal wakeboarder ed er dar tips per far sigls u trics, uschia Sandro Schlatter, in dals organisaturs da las Wake Weeks. Perquai saja il runal er adattà per in e scadin.

RR actualitad 07:00