Pervi dal current dal Rain è ella vegnida stratga davent da la punt dal Rain en il Rheinsand var in kilometer fin giu sin in banc da sablun sper ils implants da sport da l’Obere Au. Là ha ella pudì sa salvar sin in grip amez l’aua.
Da là ha la Rega stuì salvar la dunna bletscha cun in helicopter. Il medi d’urgenza ha controllà la dunna. Cun quai ch’ella n’era betg blessada è ella suenter vegnida purtada enavos a ses domicil da vacanzas.
Adina puspè vegn il «selfie» in «killfie»
Tge che tuna magari legher ha adina puspè consequenzas severas: Onn per onn rapportan las medias en il mund da persunas ch’èn mortas tar l’emprova da far in selfie vairamain spectacular. La fotografia da sasez, il selfie, vegn uschia la fotografia che mazza, il killfie.
L’universitad americana da da Carnegie Mellon, aveva perscrutà l’onn 2016 il fenomen. Ils scienziads rapportan da 127 morts en ina perioda dal mars 2014 enfin il settember 2016.
Autezza ed aua èn ils pli gronds privels
En lur rapport cun il titel «Jau, mamez e mes Killfie: Caracterisaziun e prevenziun da morts entras selfies» analiseschan els las victimas e vegnan a la conclusiun, che l’autezza e l’aua èn ils privels primars, che vegnan sutvalitads dals fotografs.
Tenor il rapport sa tracti en trais da quatter cas mortals perscrutads dad umens ch’èn vegnids per la vita cun vulair far in selfie.
Tar ina resumaziun dal studi (engl.):
RR novitads 12:00