Ils ultims 2 onns ha la Filarmonia da chombra dal Grischun adina preschentà in'opera da Verdi. Perquai han ils organisaturs decis da far questa stad insatge tut auter, ch'è dentant er sin aut nivel tant da la musica sco dal teater ennà.
Per la reschissura Barbara-David Brüesch, ch'è plitost da chasa en il mund da las operas cun scenas da massa, saut e chor, na munta quai betg mo in sfida persunala. Era la sfida artistica saja gronda, i saja numnadamain da cumbinar elements da saut or da l'opera classica cun teater e cumedia. Quai pretendia er gronda flexibilitad dals acturs e da las acturas.
L'operetta vegn preschentada dals 8 fin ils 22 d'avust.