Siglir tar il cuntegn
cuntegn

Ulteriur Grischun Ina lavur da sisifus

Al dutg Mühlbach a Cuira vegnan eliminadas quest'emnna neofitas. I sa tracta d'ina planta oriunda dal Giapun che stgatscha las fluras indigenas sper il dutg.

Legenda: Guardar il video Citad da Cuira cumbatta plantas invasivas . Durada 02:37 minutas.
Or da Telesguard dals 30.01.2019.

La flur cun num «badalestg giapunais» (japanischer Staudenknöterich) è derasada en Svizra ed era en noss chantun. Tranter auter a la riva dal dutg Mühlbach a Cuira. Il problem è che questa flur crescha fitg spert e fitg spess. Uschia na lascha ella nagina schanza a las flurs indigenas. Plinavant mancan en Svizra ils inimis. Sco che Sascha Gregori da l'Uffizi per l'ambient di, mancan en Svizra radund 120 sorts insects che mangian la flur.

Eliminada vegn la flur a moda mecanica. Ella sto pia vegnir chavada ora. Tenor il selvicultur da la citad da Cuira saja quai ina pulita lavur da Sisifus. Cunquai ch'els veglian dentant proteger las flurs indigenas, saja quai ina lavura che valia la paina.

RR actualitad 12:00