Ulteriur Grischun - Ina mesa milliarda per ina nova staziun

Per 500 milliuns francs vegn la staziun da Landquart renovada ed engrondida. Uschia duess la staziun vegnir adattada al standard d’ozendi. Planisads èn novs edifizis cun biros, ina nova ufficina e novs binaris. La nova ufficina è tenor la Viafier retica necessaria perquai ch'ils 36 trens novs che la viafier survegn l’onn proxim na pudessan betg vegnir mantegnids en l’ufficina existenta.

Maletg 1 / 6

Legenda: Pass 1, nouv center d'intervenziun: En quest center vegnan a lavurar 70 collavuraturs. Vinavant po la Viafier retica deponer material ni vagun, che na han betg plazza en l'ufficina veglia. RTR, Flurin Clalüna

Maletg 2 / 6

Legenda: Pass 2, Vial dubel fin a Malans: Cun quel vul la Viafier retica garantir, ch'ils trens arrivan era in futur punctualmain. En futur va mintga mes'ura in tren en direcziun Tavau. RTR, Flurin Clalüna

Maletg 3 / 6

Legenda: Pass 3, emprims binaris novs: RTR, Flurin Clalüna

Maletg 4 / 6

Legenda: Pass 4, nova uffizina: En quella dessan ils novs vaguns vegnir tgirads. RTR, Flurin Clalüna

Maletg 5 / 6

Legenda: Pass 5, nov deposit e novs biros: Il deposit ed ils biros èn anc en planisaziun. Quels vegnan construids fin l'onn 2022. RTR, Flurin Clalüna

Maletg 6 / 6

Legenda: Pass 6, novs binaris e nova staziun: Era l'ultim pass è anc en planisaziun. Fin dal 2028 vulan els construir nov la staziun. Il maletg n'è betg la versiun definitiva. RTR, Flurin Clalüna

Plinavant è planisada la construcziun d’in vial dubel da Landquart a Malans. Quai per garantir il tact da mes’ura. Ils 500 milliuns che vegnan per gronda part finanziads da la Confederaziun, cumpiglian plirs projects parzials. Sche tut va sco planisà, lura duess la nova staziun esser a fin en radund 10 onns.

audio

Bunura: Staziun Landquart: La pli gronda staziun da la Viafier retica vegn renovada

02:35 min, ord Actualitad dals 30.06.2018.

laschar ir. Durada: 2 minutas 35 Secundas.

TSG 17:40