Siglir tar il cuntegn
Inhalt

Ulteriur Grischun Ina mesa milliarda per ina nova staziun

La staziun a Landquart è in dals pli impurtants lieus da la Viafier retica. Per il mument lavuran 550 persunas a Landquart, 30% da tut ils impiegads da la Viafier retica. En ils proxims 10 onns survegn la staziun ina fatscha cumplettamain nova.

Legende: Video Video vom 29.06.2018, 16:39 abspielen. Laufzeit 01:09 Minuten.
Or da Actualitad video dals 29.06.2018.

Per 500 milliuns francs vegn la staziun da Landquart renovada ed engrondida. Uschia duess la staziun vegnir adattada al standard d’ozendi. Planisads èn novs edifizis cun biros, ina nova ufficina e novs binaris. La nova ufficina è tenor la Viafier retica necessaria perquai ch'ils 36 trens novs che la viafier survegn l’onn proxim na pudessan betg vegnir mantegnids en l’ufficina existenta.

Plinavant è planisada la construcziun d’in vial dubel da Landquart a Malans. Quai per garantir il tact da mes’ura. Ils 500 milliuns che vegnan per gronda part finanziads da la Confederaziun, cumpiglian plirs projects parzials. Sche tut va sco planisà, lura duess la nova staziun esser a fin en radund 10 onns.

TSG 17:40