Siglir tar il cuntegn

Header

Navigaziun

La punt da la Viafier Retica a l'entrada da Jenaz è ussa mez melna e mez blaua.
Legenda: La punt da la Viafier Retica a l'entrada da Jenaz è ussa mez melna e mez blaua. RTR, G. G. Flepp
cuntegn

Ulteriur Grischun Ina punt en las colurs dal HCD

Durant ina acziun da notg ha insatgi colurà la punt da la Viafier Retica a l'entrada da Jenaz che traversa la via chantunala mez mellen e mez blau. Nagin n'ha vis ni udì insatge.

Er sch'in u l'auter e bain da l'avis ch’i na sa fetschia betg da dar colur chaussas publicas, para la punt blau-melna da plaschair als da Jenaz. Quai mussa ina pitschna retschertga dad RTR.

Plinavant en tut ils dumandads da l'avis che fans dal HCD hajan colurà la punt. Quai suppona er il delegà da fans dal HCD, Remo Pinchera. Sco quai ch'el ha ditg envers RTR, avevia quai gia avant in graffiti da HCD sin questa punt.

Naginas infurmaziuns da vart uffiziala

Ins saja vid intercurir il cas, haja dentant anc betg dapli infurmaziuns, uschia il pledader da la polizia chantunala, Thomas Hobi. Tar l'uffizi da construcziun bassa vegn discurrì dad in donn massiv. La possessura da la punt, l'uffizi federal per vias, ASTRA, na saveva anc nagut dal nov vestgì da la punt.