Siglir tar il cuntegn

Header

carta geografica da Flem fin a Fläsch
Legenda: La regiun da Maiavilla (sper Bogn Ragaz) fin a Flem google
cuntegn

Ulteriur Grischun Ina regiun turistica - da Maiavilla fin a Laax

La regiun Grischun dal nord vul collavurar pli stretg en il sectur turistic cun las destinaziuns Lai, Arosa e cun Flem e Laax. Quai prevesa l'agenda 2030 dal chantun, da las regiuns e da las vischnancas. L'agenda 2030 è in palpiri che s'occupa cun il svilup economic da las regiuns grischunas.

Per Reto Nick, manader da fatschenta da la regiun Grischun dal nord e Signuradi/Tschintg Vitgs faschess quai senn. Uschia vegnissan els pli cumpetitivs er sin la fiera internaziunala, di el. Ins pudess cumbinar tut las differentas purschidas da las regiuns - tgi va pli gugent cun skis, tgi a far shopping a Landquart, tgi a baiver in magiel vin u tgi a far bogn.

Collavuraziun pli stretga

Per pudair cumbinar ils differents products turistics stoppian las regiuns dentant lavurar pli fetg ensemen, di Nick. Quai stoppian els far sche nus vulain far in pass enavant. E tge di Flem da la proposta? Politicamain sa drizza Flem vers la regiun Plaun, turisticamain vers la Surselva. Il president communal da Flem, Adrian Steiger, vul er en il futur restar en quella posiziun tranteren. La strategia turistica vegnia er en il futur fatga ensemen cun ils partenaris da la destinaziun Laax e Falera. Dentant saja la vischnanca averta per collavuraziuns envers engiu di Steiger.

Anc datti la strategia da l'agenda 2030 be sin il palpiri.

Artitgels legids il pli savens

Scrollar a sanestra Scrollar a dretga