Siglir tar il cuntegn

Header

Cuira duai far discurs da fusiun cun tut las vischnancas da Panaduz fin Landquart.
Legenda: La vischnanca da Cuira duai discurrer cun tut las vischnancas da Panaduz fin Landquart davart ina fusiun. RTR, F. Belotti
cuntegn

Ulteriur Grischun Ina vischnanca da Panaduz fin Landquart

La suprastanza da Cuira duai far discurs da fusiun cun tut las vischnancas da Panaduz fin Landquart. Quai pretenda ina incumbensa da la fracziun cristiandemocrata dal parlament da Cuira.

Cun ina fusiun da las vischnancas da l’entira Val dal Rain da Cuira pudessian ins eliminar la concurrenza tranter las singulas vischnancas.

Dà il stausch per quell'incumbensa ha la decisiun da la regenza grischuna da cumprar ils dretgs da bajegiar sin l’areal da l'anteriura resgia gronda a Domat. Sin quest areal vul il chantun crear ina gronda zona d'industria. Gia reservà ina parcella ha la Hamilton da Panaduz.

Cun questa decisiun han ils da Cuira giu da morder, cunquai ch'els avevan era offrì ina parcella a la Hamilton. Enstagl da sa concurrenzar, duain las vischnancas en la Val dal Rain da Cuira fusiunar.

Dapli da Grischunavrir la Landingpage

Nach links scrollen Nach rechts scrollen