La stalla ardeva gia dal tut cura ch’ils pumpiers èn arrivads al lieu, scriva la polizia chantunala grischuna. Per stizzar il fieu n’ha devi nagina aua. Per alura pudair proteger las chasas en la vischinanza han ins stuì construir cun maschinas da pista ina paraid da naiv.
Cumbat cunter las flommas a moda nunusitada
In helicopter da la Rega ha cumbattì il fieu cun aua ord dal lai d’ennavar las pistas al Doggiloch. La fin finala han ils pumpiers stuì stenscher il fieu cun naiv stuschada natiers d'ina maschina da pista. La situaziun è pervi dal privel da lavinas vegni controllada permanent d’in expert da lavinas da la vischnanca da Claustra, scriva la polizia. Uss examineschan ils responsabels l’incendi.
RR novitads 17:00