Incumbensa schlargiada per l’Agentura da novitads rumantscha ANR

La regenza grischuna duai sa stentar che l’ANR survegn dapli incumbensas, quai ha il Cussegl grond decidì cun 78 cunter 14 vuschs e 2 abstenziuns.

Logo da l'agentura da novitads ANR. Bild in Lightbox öffnen.

Legenda da maletgs: Il Cussegl grond vul augmentar las incumbensas da la ANR. RTR, F. Cajochen

Da nov duai l’ANR era s’engaschar per il barat tranter las communitads linguisticas en il Grischun. Ina via per cuntanscher quai pudess esser, da furnir novitads or dal territori rumantsch en il territori da linguatg talian, e viceversa. Quella nova incumbensa na duai dentant betg vegnir realisada sin donn e cust dals servetschs rumantschs d’enfin uss.

L’Agentura da novitads rumantscha ANR ha actualmain la finamira da sustegnair ils meds da massa rumantschs. Ella duai uschia rinforzar l’intermediaziun d’infurmaziun per rumantsch.

RR Novitads 14:00