Siglir tar il cuntegn

Header

Um en in kino.
Legenda: L'unic ch'è cler – il cumbat per ils kinos en citad cunter quel a la periferia continua (maletg simbolic). Keystone
cuntegn

Iniziativa da kinos Cuira Schleppa per il comité da l'iniziativa

La citad da Cuira haja gì raschun cun declerar ina part da l'iniziativa «Per ina citad veglia viva – iniziativa per mantegnair ils kinos da la citad da Cuira» per nunvalaivla. Quai ha decidì la Dretgira administrativa chantunala. Ella sustegna uschia la decisiun da la citad da Cuira, rapportescha la gasetta Südostschweiz.

La dretgira argumentescha che l'artitgel supplementar da l’iniziativa saja cuntrari al dretg. Quel pretendeva numnadamain che l’iniziativa fiss valabla a moda retrospectiva – e qua tras avess pudì vegnir impedì la construcziun d'in cumplex da kino a l'ur da Cuira.

Ussa sto il comité da l’iniziativa decider, sch’el accepta l’iniziativa senza l’artitgel dispitaivel u sch’el vul ir cun la sentenza davant il Tribunal federal.

Perquai vegn l’iniziativa da kinos il pli baud il proxim favrer davant il pievel.

RR novitads 07:00