Siglir tar il cuntegn

Header

audio
Mezdi: WEF - Co schliar intelligenza artifiziala en la medischina?
Or da Actualitad dals 22.01.2020.
laschar ir. Durada: 5 minutas 4 Secundas.
cuntegn

Intelligenza artifiziala Rut in det? Betg problem, nus squitschain in nov...

Mettai ina giada avant, Vus avais rut ina rudella dal schanugl ed enstagl da patir per il rest da la vita, pudess ins simplamain squitschar ina nova. En il spital da Tavau n'è il squitschader anc betg empustà, dentant Walter Kistler, il schefmedi, vesa en squitschaders da 3D senz'auter in model per il futur. «Quai vegn segir anc ad ir insaquants onns enfin ch'ins po squitschar in organ sco per exempel in gnirunchel che funcziuna lura er, dentant sch'ins pudess per exempel squitschar carlac (Knorpel) fiss quai schon pratic, cunzunt per nus che avain bleras blessuras da sport».

Nizaivel e malsegir

L'intelligenza artifiziala va dentant lunsch sur la tecnica or – ella rimna datas da carstgauns ed emprenda or da quellas. «Vulain nus però propi savair, per exempel cun tge probabladad che nus survegnin forsa in di cancer?», dat Kistler da patertgar. Ed er quai che pertutga il maldiever da tut quellas datas na dettia quai anc betg avunda leschas protectivas.

Tuttina: Intelligenza artifiziala pudess er esser da grond diever per il Grischun - cunzunt per medis da chasa en las periferias. Kistler giavischass per exempel dapli telemedischina vul dir, che l'expert prenda per internet quasi plaz en la pratica dal vitg.

RTR actualitad 11:00

Artitgels legids il pli savens