Siglir tar il cuntegn

Ulteriur Grischun Interpresa Fernwärme Chur ha success

L'interpresa d'energia Fernwärme Chur stat sin bunas chommas. Da quai han ils acziunaris pudì prender enconuschientscha a la radunanza generala da l'interpresa Fernwärme Chur. Tar lezs tutgan IBC Energie Wasser Chur, l'ospital chantunal e la GEVAG.

Bischels da chalur a distanza.
Legenda: La societad per chalur a distanza da Cuira scriva per la segunda giada en seria cifras positivas (maletg da simbol). Keystone

Grazia ad ulteriurs clients saja sa resultà in gudogn da passa 200'000 francs, scriva l'interpresa. La Fernwärme Chur furnescha entant radund 50 objects cun total radund 20 uras gigawatt energia. Grazia a la chalur a distanza po la citad spargnar 6'000 tonnas CO2 per onn.

Dapi ch'i dat l'interpresa d'energia, pia dapi otg onns sa sviluppia ella bain e mussia in'istorgia da success, uschia statti vinavant en la communicaziun. Il 2017 hajan ins pudì far accessibel l'areal Rückenbrecher tar la via Scalära e colliar l'Ospital chantunal dal Grischun a la rait da chalur a distanza. Plinavant haja l'interpresa cuntinuà cun las lavurs finas en la citad da Cuira. Quai er per pudair colliar novs clients.

RR novitads 14:00