Il kino a Cuira West po vegnir construì. La Citad da Cuira ha surdà la mesemna la lubientscha da bajegiar. Quai suenter che l’iniziativa per cumbatter il kino e tut ils recurs envers il cumplex èn giud maisa. L’ultim recurs cunter il kino era vegnì retratg il december.
Bain pon anc persunas direct involvidas far recurs cunter la lubientscha – las opziuns èn dentant restrenschidas. Cura che las lavurs cumenzan n'è anc betg enconuschent. La lubientscha da bajegiar che la citad aveva gia dà è vegnida declerada sco nunvalaivla. Raschun era stà il rapport davart las consequenzas per l'ambient. Quel na correspundeva betg a las prescripziuns.
Il rapport sa referiva be sin il kino, dentant betg sin l'entir areal cun il center da cumpra City West gist daspera. Il Tribunal federal ha decidì ch'il rapport stoppia resguardar omadus bajetgs sco unitad. Quai è lura vegnì prendì suenter ed uschia ha la citad dà la lubientscha da bajegiar.
RTR novitads 17:00