Siglir tar il cuntegn
Inhalt

Ulteriur Grischun «L'alchemia san ins era preschentar a moda divertenta»

Per la segunda giada vegn manà tras quest onn ils dis da ditgas e paraulas a Cuira. Quella giada cun il focus sin l'alchemia. Per ils organisaturs èsi impurtant ch'ils visitaders emprendan insatge, ma era ch'els vegnian divertids.

Flyer dals dis da paraualas e ditgas.
Legenda: Durant in mais datti da vesair a Cuira differenzas producziuns en il connex cun l'alchemia. RTR, GIAN CARLO CANDINAS

Alchemia – insatge che tuna per blers pauc palpabel. I va per la transfurmaziun tar insatge meglier. Sco per exempel: Far ord plum aur.

Far attractiv per ils visitaders

Prominents acturs sco Andrea Zogg ni Tonia Maria Zindel fan part dal program dals dis da ditgas e paraulas a Cuira. Per l'organisatura, Alexandra Furler-Seefisch, saja numnadamain impurtant ch'ils visitaders possian era sa divertir. Perquai vegn l'alchemia er preschentada cun concerts u cun preschentaziuns da teater.

Per purtar pli datiers l'alchemia als visitaders dovri scienziads. Durant l'occurrenza datti referats da divers professurs. Per exempel da la ETH a Turitg, da l'universitad a Turitg u è dal CERN a Genevra.

Dis da ditgas e paraulas a Cuira

Ils dis da ditgas e paraulas, il link avra en ina nova fanestra cumenzan ils 25 d'october e duran fin ils 25 da november.

RR actualitad 07:00