Siglir tar il cuntegn
cuntegn

Ulteriur Grischun L'Alp Russein ha il meglier chaschiel

Il chaschiel da l'alp a Mustèr cun la signuna Petra Kienzle è vegnì premià sco meglier chaschiel d'alp. Ella sa metta tras cunter 79 autras alps Grischunas.

Vinavant han otg ulteriurs chaschiels d'alp survegnì ina premiaziun d'aur. Sis alps han fatg in predicat d'argient, set alps pon sa legrar d'ina premiaziun bronz.

Cuschinunza sco giurora

Tar las giuroras era er la cuschinunza Rebecca Clopath. Ella vegn oriund da Lon. Sco cuschinunza emprova er ella divers chaschiels avant ch'els arrivan en lur menu. Tar la premiaziun dal chaschiel d'alp al Plantahof na vaglia dentant betg mo il gust. Era la colur, consistenza u era las foras en il chaschiel sto ella resguardar.

Jau m'allegr sin questa incumbensa. Segir poss jau anc emprender insatge

manegia la cuschinunza giuvna avant ch'i va vi dal empruvar e valitar ils chaschiels. En trais gruppas da trais valiteschan ils giurors tut ils 80 chaschiels d'alp, mintga gruppa circa in terz. Ils chaschiels cun la meglra valitaziun sagian els anc ensemen per tscherner il victur dal di.

RR Actualitad 17:00