Siglir tar il cuntegn
cuntegn

Ulteriur Grischun «L'Anghel da Nadal» va era ora en las regiuns

Gia dapi 15 onns sustegna l’uniun catolica da dunnas dal chantun Grischun persunas en miseria da finanzas cun in schenghetg da Nadal.

Legenda: Tadlar il audio Mezdi: Cuira: Anghel da Nadal er en regiuns. Durada 02:41 minutas.
02:41 min, Actualitad dals 30.11.2018.

Enfin ussa era l'anghel cun la stgaffetta da brevs enconuschent mo a Cuira. Quest onn va el per l'emprima giada era ora en las regiuns. Era là duain persunas en ina situaziun finanziala difficila pudair deponer lur basegns.

La povradad en il Grischun crescha.
Autur: Irmgard Cavigellimanadra project

L’acziun «stgaffetta da brevs da Nadal» è in project da l’uniun catolica da dunnas dal chantun Grischun. L’uniun emprova da sustegnair persunas en miseria cun daners ch'ellas rimnan tras donaziuns durant l'entir onn.

Mintg'onn retschaiva l'uniun uschia da quai da 100 dumondas da sustegn. L'onn passà ha l'uniun pudì reparter cun quella acziun regals en la summa da 18'000 francs.

RR actutalitad 11:00

Legenda: Guardar il video Ord l'archiv: Anghel da Nadal 2006 (TSG). Durada 02:05 minutas.
Or da RTR dals 14.12.2006.