La «Avertura dal guaud a Domat – zona da muntogna ost» po vegnir realisada. La regenza grischuna ha approvà il project e concedì ina contribuziun da stgars 4,9 milliuns francs. Ils custs totals muntan a 7,7 milliuns francs. Quai scriva la regenza en ina communicaziun da la gievgia.
I va per schlargiar bunamain 9 kilometers vias da guaud existentas ad ina ladezza da 3,3 meters. Ultra da quai vegn construida ina via nova da bun mez kilometer. Il project cuntegna la construcziun da las suandantas vias da guaud charrablas cun camiuns: Culms Bels, Zeus, colliaziun cun Veulden e Val Aulta.
RR novitads 12:00