audio
Mezdi: Ospital chantunal - collavuraturs fan vacanzas pervia da pauca lavur
ord Actualitad dals 18.07.2017.
laschar ir. Durada: 1 minuta 42 Secundas.
La stad datti nagins accidents dad ir cun skis u cun aissa, i n’ha è betg tants turists en il Grischun sco l’enviern ed operaziuns planisablas vegnan era betg fatgas la stad. Uschia èsi pli ruassaivel en l’ospital. Il persunal sto retrair sururas, far vacanzas u lavurar servetschs pli curts.
Il persunal appreziescha questa soluziun
La fluctuaziun da pli pacs pazients la stad saja usitada, di Julius Risch, manader dal servetsch da persunal da l’ospital chantunal. E la soluziun cun dapli vacanzas u temp liber vegni pratitgada mintg’onn, ed appreziada dal persunal. Uschia possian collavuraturs ch'èn geniturs per exempel ir ina giada a far bogn cun ils uffants in suentermezdi. Plinavant na sajan ils collavuraturs er betg trists ch’els stoppian far vacanzas la stad.
RR actualitad 12:00