Siglir tar il cuntegn
Inhalt

Ulteriur Grischun La biblioteca da Cuira fa midada

La biblioteca da citad a Cuira fa midada. En gnanc in mais avran las portas da la nova biblioteca sin la plazza da la Posta. En tut vegn fatg la midada cun 60'000 medias. Cudeschs, discs u er gieus.

Legende: Video 60'000 cudeschs fan midada: Pliras bibliotecas da la citad midan en la nova biblioteca abspielen. Laufzeit 01:37 Minuten.
Or da sil punct dals 24.07.2018.

Trais emnas dovran ins per pachetar tut il material d'ina biblioteca. Tut ils cudeschs, CD's, gieus e DVD's. Però betg tut las medias survegnan ina plazza en la nova biblioteca da Cuira. 14'000 medias vegnan zavradas ora. Quai surtut cudeschs da tecnica ed er guids turistics. L'intent è da far plaz per las medias actualas. Ed era dublettas datti pliras suenter che las bibliotecas Aspermont, Arcas, la ludoteca e la biblioteca interculturala sa mettan ensemen. Tut las medias che na vegnan betg pli ad esser en il sortiment da la nova biblioteca vegnan vendidas ad in martgà da pileschs.

In tut èn stadas 17 persunas vi dal pachetar stgatlas. Tranter auter eran quai er scolars ch'han uschè chattà ina plazza da lavur durant las vacanzas da stad. La gronda lavur n'è dentant betg il pachetar en tut, mabain il spachetar si tut en las localitads novas. Da far lezza lavur è planisà trais ulteriuras emnas.

Dals 27 d'avust è la nova biblioteca lura a la plazza da la posta a Cuira puspè averta.

RR actualitad 17:00