Siglir tar il cuntegn
Inhalt

Ulteriur Grischun La halla da tennis da Domat è platta

Sin la surfatscha da 2'000 m² ha l'aua ina profunditad da 10 centimeters. En tut vul quai dir che ins ha 20'000 liters aua da pumpar giu. Il material per pumpar giu l'aua survegn il club da tennis dals pumpiers da Domat e Favugn.

Legende: Video Naiv ha mess per terra la halla da tennis a Domat abspielen. Laufzeit 01:40 Minuten.
Or da Telesguard dals 30.10.2018.

Er per ils pumpiers na saja questa lavur betg uschè simpla. Normalmain pumpan els aua da lieus che han dapli profunditad, di Urs Tanner, il cumandant dals pumpiers Domat / Favugn. Questa giada dovria quai dapli pazienza. L'aua ha adina da cular a l'ur da la halla cun quai che ins na po betg chaminar sur tut la surfatscha. Il cumandant dals pumpiers fa quint cun duas enfin trais sairas a 3 - 4 uras per pumpar giu tut. Suenter ha il club da tennis da guardar vinavant.

Pumpiers mettan a disposiziun las pumpas

Custs invers ils pumpiers n' ha il club da tennis betg gronds. Il material sco per exempel las pumpas vegnan miss a disposiziun. Be las uras da lavur che ils pumpiers vegnan a far ha il club da tennis da pajar.
Il club da tennis na ha betg vulì prender posiziun tar la situaziun. Planisà saja da pudair avrir puspè la tenda ils 5. november, quai scriva il club da tennis sin sia pagina d'internet.

RR telesguard 17:40