Siglir tar il cuntegn

Ulteriur Grischun La Landqart stritga 55 plazzas da lavur

Raschun per stritgar pli che 20% da las plazzas èn surcapacitads sin l'entir mund en il sectur da producir bancnotas.

Il logo vi dal bajetg da la fabrica.
Legenda: La fabrica da palpiri Landqart stritga plazzas da lavur. Keystone

La fabrica da palpiri Landqart SA stritga 55 da 260 plazzas da lavur. Raschun per questa mesira sajan surcapacitads sin l'entir mund en il sectur da producir bancnotas. Ils collavuraturs èn vegnids infurmads il mardi. Ils represchentants dals lavurants ed ils partenaris socials han avert ina procedura da consultaziun. Per ils lavurants che perdan la plazza, vegnia elavurà in plan social, ha communitgà la Lanqart SA.

L'interpresa da Lanquart era avant in onn vegnida en mancanza da liquiditad perquai ch'in project grond internaziunal era vegnì sistì. Per segirar la stampa da las bancnotas novas ha la Banca naziunala svizra surprendì la fabrica da palpiri. Lanqart è l'unic producent dal uschenumnà Durasafe-Substrat per la nova seria da bancnotas svizras.

RR novitads 11:00