La Luzio SA annunzia concurs

La raschun per il concurs è il squitsch da pretschs aifer la brantscha. Per survegnir lavur hajan ins uschia savens stuì bajegiar sut il pretsch, di il mainafatschenta da la Luzio SA Martin Luzio.

La Luzio SA na fabritga betg pli. Bild in Lightbox öffnen.

Legenda da maletgs: La Luzio SA na fabritga betg pli. RTR/ C. De Pedrini

Ils davos mais haja sia firma perquai gì adina damain meds liquids. La fin finala saja mo pli restà il concurs, uschia Luzio. Ils lavurants sajan vegnids infurmads avant dus emnas davart la situaziun. Per el saja stà impurtant da chattar novas plazzas per il lavurants. 12 dals 15 lavurants hajan gia chattà in nov patrun.

«  Mo cun la construcziun auta na pon ins betg pli surviver »

Martin Luzio
mainafatschenta Luzio SA

En la branscha da construcziun na fetschian ins gia dapi pli ditg betg pli gudogn, manegia Martin Luzio. «Tgi che n'ha betg avunda meds liquids u anc autras funtaunas d’entradas na vegn a lunga vista betg da surviver.» Quai n'haja el sco giuven patrun betg gì. Il 2012 aveva Luzio surpiglià la firma Lurati e midà ella en Luzio SA. La firma Lurati era vegnida fundada il 1957.

RR novitads 16:00