Ulteriur Grischun - La midada da l’ura ina giada tut auter...
L’ura dal clutger baselgia da St. Antönien è quasi la suletta en il Grischun che n’è anc betg automatisada e sto perquai vegnir midada a maun. Ma far quai na fa ni il plevon ni il caluster.
Passa 15 onns è Armin Flütsch stà president da la plaiv da St. Antönien. Durant quai temp fascheva l’electricher dal vitg la midada fin che quel na pudeva in bel di betg pli raiver da las taissas e stretgas stgalas dal clutger siador. Uschia ha Armin Flütsch che posseda ina fatschenta da bajegiar accumpagnà l’electricher ina giada e surprendì il job da midar l’ura baselgia.
audio
Midar l'ura baselgia a St. Antönien
06:03 min, ord Actualitad dals 28.03.2016.
laschar ir. Durada: 6 minutas 3 Secundas.
Sch'i tutga da memia u memia pauc na fa nagut
L’um da 56 onns habitescha e lavura a St. Antönien ed ha perquai adina puspè in egl sin l’ura baselgia. Sche l’ura da 103 onns na constat ina giada betg, p. ex. pervi da grondas differenzas da temperatura, va Armin Flütsch era tranteren spert sur mezdi ubain la saira suenter la lavur a drizzar l’ura. Sch’i tutga lura in pèr giadas da memia u memia pauc, quai na disturba tenor el betg ils da St. Antönien. Perquai na mida Armin Flütsch era betg l’ura da las duas sin las trais da la notg mabain da las 23:00 sin las 00:00.
Mecen american
L’emprima ura ha il clutger baselgia da St. Antönien gia survegnì l’onn 1677, var 200 onns suenter ch’ella è vegnida bajegiada. L’ura actuala è dapi la revisiun dal tetg l’onn 1913 vid il clutger, pajada dad in um ordiund dal vitg vaschin Ascharina ch’è dentant emmigrà en ils Stadis Unids.
1 / 13
Legenda:
Armin Flütsch avant il tunnel che maina tras ils gross mirs da crap en l'intern dal clutger.
RTR, G. G. Flepp
2 / 13
Legenda:
Las taissas e stretgas stgalas en il clutger baselgia.
RTR, G. G. Flepp
3 / 13
Legenda:
Anc ina stgala taissa e stretga...
RTR, G. G. Flepp
4 / 13
Legenda:
La mecanica da l'ura baselgia da St. Antönien.
RTR, G. G. Flepp
5 / 13
Legenda:
L'ura pitschna ch'inditgescha il temp da l'ura gronda ordador vi dal clutger.
RTR, G. G. Flepp
6 / 13
Legenda:
La midada ei fatga.
RTR, G. G. Flepp
7 / 13
Legenda:
Las rodas da dents che collian las lantschettas grondas ordador cun l'ura endadens.
RTR, G. G. Flepp
8 / 13
Legenda:
Las sugas che colligian l'ura cun ils zenns.
RTR, G. G. Flepp
9 / 13
Legenda:
Armin Flütsch sisum il clutger sut in zenn.
RTR, G. G. Flepp
10 / 13
Legenda:
In zenn da la baselgia da St. Antönien.
RTR, G. G. Flepp
11 / 13
Legenda:
In auter zenn che tutga mintg'ura.
RTR, G. G. Flepp
12 / 13
Legenda:
Vista dal pitschen tunnel che maina dal clutger puspè anora en baselgia.
RTR, G. G. Flepp
13 / 13
Legenda:
L'intern da la baselgia da St. Antönien cun l'orgla da l'onn 1730 (dapi 1966 a St. Antönien).
RTR, G. G. Flepp
