Siglir tar il cuntegn

Header

cuntegn

Ulteriur Grischun La plazza aviatica Plarenga Domat

Dapi il 1917 sgulava l’armada cun eroplans sin la planira da Plarenga. Là, nua che stat ussa il center da cumprita Plarenga, steva dapi il 1944 in hangar. Da tut quai regordan mo pli fotografias.

Il emprim eroplan documentà sin la Plarenga è dal november 1917. Ina Häfeli DH-3. Quai durant la emprima guerra mundiala. L’armada svizra aveva avant dus onns funda la truppa aviatica e quella era ussa en tschertga da numerusas plazzas per sa platgar cul aviun. Domat era in da quels lieus.

L’aviatica e Domat – nagina istorgia d’amur

Il militar vegni bain tolera cun lur aviuns a Domat, dentant dapli betg. Il militar pudeva duvrar la Plarenga il cumenzament primavaira e la fin d’atun. Durant la stad eran las planiras per il militar tabu. La Plarenga era numnadamain ina gronda part da l’existenza per ils purs da Domat. Uschia han els era pliras giadas refusa las dumondas dal militar e da civils per fabritgar ora la plazza.

Pista era simplamain ina planira

Domat na ha betg lubì da fabritgar ina pista da betun sin la Plarenga. Memia custaivel era il terrain fritgaivel. Pir la fin da la segunda guerra mundiala 1944/1945 ha il militar pudì fabritgar in hangar per ils aviuns ed in tanc da cherosin sutterran. Uschia han ins era pudì star sur notg cul aviun a Domat. Quai è dentant restà l’unica infrastructura.

Grondas visiun per la plazza aviatica a Domat

Pliras persunas vesevan grond potenzial en la plazza aviatica a Domat. Uschia era il pionier aviatic e cunfundatur da la Swiss Air, Walter Mittelholzer. Gia ils ans 1930 vuleva el promover la buna situaziun geografica da la Plarenga. Cun quai che la plazza era da strusch a Cuira sco era als lieus turistics as vess uschia gì in centrum dal traffic turistic. Uschia enavant na è igl dentant mai vegni. Suenter che Domat ha pliras giadas ditg na ad ideas e plans dal militar e la confederaziun han ins da si quai project.

Onns 70 – plazza aviatica perda impurtanza

Cun ils helicopters a Domat han ils aviuns pers ina tscherta impurtanza. Uschia han els lura vi pli banduna Domat. L’ultim aviun è parti al cumenzament avrigl 1998 da la Plarenga. Il ultim ch’ins ha vis sin la Plarenga.

RR Actualitad la saira 17:00

Artitgels legids il pli savens

Scrollar a sanestra Scrollar a dretga