Siglir tar il cuntegn

Header

video
Lavoitobel – la porta vers la Surselva vegn renovada
Or da Actualitad dals 25.03.2015.
laschar ir. Durada: 1 minuta 33 Secundas.
cuntegn

Ulteriur Grischun La porta vers la Surselva vegn renovada

La Punt dal Lavoitobel vegn sanada e rinforzada. Las lavurs vi da la punt cumenzan ils 7 avrigl 2015 e duran tenor la planisaziun fin als 23 d'october 2015.

La punt è la via la pli svelta e directa che maina en u or da la Surselva. Ella sa chatta en direcziun Cuira avant Tumein ed è ina da las pli impurtantas punts da l'infrastructura da vias en il chantun Grischun.

La punt a Tumein che maina sur la chavorgia dal Lavoi è vegnida fabritgada l'onn 1967. Cun bundant 50 onns saja la punt vegnida en ils onns, declera il manader da construcziun René Simeon. Donns ston vegnir sanads e la punt stò vegnir rinforzada.

11'000 vehichels

Sur la punt dal Lavoitobel charreschan mintga di en media 11'000 vehichels. Durant las lavurs da sanaziun e rinforzament po la punt be vegnir traversada sin in vial. Il traffic vegn reglà a maun da dus persunas. Per charrar en u or da la Surselva ston ins uschia far quint da 2 fin 5 minutas dapli temp da viadi.

Artitgels legids il pli savens