Siglir tar il cuntegn

Header

La vopna da Grüsch.
Legenda: La vischnanca perda cun la spazzada ses lieu da s’entupada. RTR
cuntegn

Ulteriur Grischun La scola da Valzeina vegn spazzada

La chasa da scola veglia da Valzeina duai vegnir spazzada, quai ha decis la radunanza communala da Grüsch ed ha lubì persuenter 145’000 francs. Suenter che la scola è vegnida serrada haja quella pers sia funcziun, scriva la vischnanca.

Dals 4 interessents per cumprar la scola ha sulet in inoltrà in’offerta. Quella ha la vischnanca però refusà. Perquai che Valzeina perda cun la spazzada ses lieu da s’entupada vegn ina gruppa da lavur ad elavurar in’alternativa.

1,5 milliuns francs per ina garascha sutterana

Il suveran da Grüsch ha plinavant acceptà in credit da 1,5 milliuns francs per ina garascha sutterana cun 32 plazs. La vischnanca ha perquai cumprà duas parcellas nua ch’i duai er vegnì construir in cumplex da chasas. Las lavurs da construcziun cumenzan l’avrigl e duran probabel fin il november.

RR novitads 11:00

cdm/cs