Hans-Andrea Tarnutzer ha cumenzà l'entschatta avust sco directur da la scola media da Schiers. Quai communitgescha la EMS. Tarnutzer succeda a Christian Brosi ch'è ì en pensiun. Tarnutzer è stà ils ultims 19 onns pro-rectur ed enconuscha uschia bain il manaschi da la scola.
En connex cun il project EMS 2018 è l'entira direcziun da scola vegnida restructurada. Ella sa cumpona uss dal directur Hans-Andrea Tarnutzer, da la prorectura Antje Reyher e dals dus prorecturs Mirco Auer e Roger Benz. Plinavant fa er il mainagestiun, Reto Stiefel, part da la direcziun. Davent l'atun duai anc ina spezialista da communicaziun sustegnair la direcziun.
Dis da portas avertas a la EMS
Ils 14 e 15 da settember avra la scola media evangelica sias portas. Durant quels dus dis ha in e scadin la pussaivladad da visitar lecziuns da scola regularas sco er divers projects.
RR novitads 16:00