«la tartaruga» – gronda variaziun per ils pli pitschens

Ils Manaschis industrials Cuira (IBC) han tschertgà cun ina concurrenza da project ideas per la nova plazza da gieu sin la Quaderwiese. Il project elegì per ina nova plazza da gieu sin la Quaderwiese persvada cun ina purschida variada d'activitads per uffants.

Il model da la nova plazza da gieu. Bild in Lightbox öffnen.

Legenda da maletgs: Il model da la nova plazza da gieu. MAD

«la tartaruga» - uschia sa cloma il project per la nova plazza da gieu a Cuira sin la Quaderwiese. Sco quai che la citad da Cuira communitgescha persvadia il project entras sia multifariadad da pussaivladads da giugar. Tar la planisaziun da la nova plazza da gieu saja vegnì resguardà, ch'ils basegns dals uffants stettian en il center.

La nova plazza da gieu vegn construida en il lieu da la plazza anteriura. Là èn ils Manaschis industrials da Cuira (IBC) il mument londervi da construir ina nova centrala secundara sutterrana. Davent da la stad 2018 vegn cumenzà cun las lavurs per la nova plazza da gieu. L'inauguraziun è planisada per la primavaira 2019.

RR novitads 11:00