Siglir tar il cuntegn

Header

Il Designer Outlet a Landquart
Legenda: Il Designer Outlet a Landquart po avrir legalmain la dumengia Reuters
cuntegn

Ulteriur Grischun La Unia vul savair pertge

Il sindicat Unia è surstà da la decisiun da l'Uffizi federal per economia. Quel ha annunzià oz ch'il center da cumpra Designer Outlet a Landquart possia avair avert definitivamain la dumengia.

L'Unia na crai betg ch'ils criteris da l’ordinaziun sajan ademplids. Surtut betg quel, ch’ina gronda part dals clients stoppia esser da l'exteriur. Perquai pretenda il sindicat dapli infurmaziuns dal Secretariat da stadi per l'economia Seco - ha ditg Arnaud Bouverat da l'Unia. L'outlet vala da nov sco interpresa che serva al turissem internaziunal ed ha perquai il dretg da prestar lavur da dumengia senza lubientscha speziala.

Sper il Foxtown Factory Stores a Mendrisio è l'Outlet a Landquart il segund center da cumpra ch'è numnà en l'ordinaziun federala da la lescha da lavur. L'ordinaziun entra en vigur l'emprim da favrer 2016.

Il chantun Grischun aveva dumandà la Confederaziun da prender si il Designer Outlet a Landquart en la nov'ordinaziun federala da la lescha da lavur. Premissa per vegnir prendì si è che l'interpresa serva als basegns dal turissem internaziunal e ch'ils lavurers che prestan lavur da dumengia survegnan cumpensaziuns ch'èn pli autas che las prescripziuns legalas.

RR novitads 18:00

Artitgels legids il pli savens

Scrollar a sanestra Scrollar a dretga