Lai da Tavau duai vegnir nizzegià er da kitesurfers

Sco gia annunzià l’avust ha la suprastanza communala da Tavau schlia il scumond da kitesurfing per in fasa da pilot. Viavant ha la suprastanza lubi la construcziun d’in runal en l’aua per wakebords.

Kitesurfers sin in lai davostiers las muntognas. Bild in Lightbox öffnen.

Legenda da maletgs: Quest stad vesa quai ora sumegliant sin il lai da Tavau. Reuters

Quest onn pon amis dal kitesurf e dal wakeboard exequir lur sports preferids sin il Lai da Tavau. Sco la suprastanza communala da Tavau scriva saja il lai da Tavau gia dapi decennis conuschents durant la stad per il sport d’aua. Uschia saja dasper il bogn er ina scola da bartgas a vela e surf domiciliada. Il kitsurfing duai uss esser pussaivel cun restricziuns dal temp. A partir dals 2 da fanadur enfin ils 21 d’avust duai il kitesurfing esser scumandà. Durant quest temp duai in runal d’aua d’ina lunghezza da radund 200 meter lunghezza per wakeborders vegnir prendi en funcziun, medemamain per ina fasa da test.

RR novitads 15:00