Landquart: Guntgì a la collisiun frontala

Curt avant Landquart tar la sortida Ganda haja dat la sonda suentermezdi in collisiun laterala massiva tranter dus autos. Ils automobilists n’èn betg vegnids ferids.

Auto donnegià. Bild in Lightbox öffnen.

Legenda da maletgs: Fortuna en la disfortuna - ils dus autmobilists n'èn betg vegnids ferids tar lur collisiun laterala la sonda tar Ganda / Landquart. mad

In um (31) viagiava la sonda suentermezdi da Tavau en direcziun Landquart. Cun rivar las 16:20 tar la sortida Ganda è el rivà cun ses auto sin l’auter vial. In automobilist (66), che vegniva da quella direcziun, es svià ora a sanestra ed ha savì guntgir uschia la collisiun frontala. Ils dus autos èn strivlads in vi da tschel via. Ils dus automobilists n’èn betg vegnids ferids.

L’um, ch’era rivà cun ses auto sin l’auter vial ha inditgà dad esser stat stanclentà. Per pudair examinar l’accident e rumir la via ha la polizia chantunala svià il traffic via la sortida Ganda.