Siglir tar il cuntegn

Header

cuntegn

Landquart Marsch da protest per il clima

Per far attent ils participants dal WEF sin lur responsabladad per proteger il clima, organisescha ina gronda allianza (tranter auter Verda, WWF Grischun, Uniun purila grischuna) ina excursiun per il clima. Dals 19 fin ils 21 da schaner viageschan ils participants e las participantas da Landquart a Tavau. Sco avertura datti la dumengia ils 19 da schaner in'acziun sin la plazza da la staziun a Landquart.

La Verda e l'Allianza spassegiada da clima veglian cun quest'acziun tschentar in segn cler per proteger il clima, scrivan las organisaziuns. Anc adina refusian ils pussants da quest mund da prender mesiras effectivas per proteger il clima, hai num. L'acziun va a fin il mardi cun ina demonstraziun lubida a Tavau cunter il WEF. Lezza è organisada da la Juso grischuna.

Per tadlar curt e concis:

RTR novitads 06:00