L'areal «Papierfabrik/Mühlbach» a Landquart duai daventar in attractiv territori da mastergn, industria e servetsch. Latiers vul la vischnanca crear pussaivladads d'abitar. La radunanza communala dad ier saira ha approvà cun gronda maioritad la revisiun parziala da la planisaziun locala.
Il quint annual 2019 ha serrà cun in gudogn ch'è stà per 2,5 milliuns francs pli aut che budgetà. El è vegnì approvà unanimamain da la radunanza communala.