La gievgia a bun'ura curt avant las 06:30 èn in auto da persunas ed in auto da furniziun collidads frontalmain sin la via tranter Landquart e Grüsch. Ils dus manischunzs èn vegnids blessads grev ed il cunautist da l'auto da furniziun mez-grev. Tuts trais èn vegnids transportads cun l'ambulanza en l'ospital chantunal a Cuira.
En consequenza è la via stada serrada per duas uras e mez. Il traffic è durant que temp vegnì svià sur la via da Chlus.
La Polizia supplitgescha persunas che han fatg observaziuns tar l'accident da s'annunziar sin il numer da telefon 081 257 72 50.
RR novitads 12:00