Sper Landquart duai er dar tals centers a Cadenazzo en il Tessin ed a Vétroz en il Valais. La Posta vul uschia tranter auter reagir sin il commerz online che crescha ad in crescher ed er sin il giavisch dals clients da retschaiver ils pachets uschè svelt sco pussaivel. En il nov center per pachets a Landquart vegnan prendì ensemen ils centers actuals da Buchs e Landquart. Previs èn bajetgs d'industria cun staziuns da chargiar camiuns gronds e pitschens. La capacitad da sortir dals novs centers è tenor la Posta tar 8000 pachets per ura. Il 2016 ha la Posta Svizra repartì 122 milliuns pachets. Quai èn 6% dapli che anc il 2015.
RR novitads 11:00