Siglir tar il cuntegn

Header

Er las apotecas èn suttamessas al midament dals temps.
Legenda: Er las apotecas èn suttamessas al midament dals temps. Keystone
cuntegn

Ulteriur Grischun Las apotecas dal futur

Tut sa mida – er las apotecas. Pli baud hai dà massa truchets en las apotecas che han cuntegnì differentas ervas, fluras ed autras medischinas per tut ils mals. Ils apotechers han producì sez las cremas e medischinas e cusseglià lur pazients. Oz è la situaziun in’ autra.

D’ina medischina datti pliras versiuns da differentas marcas. Paucs crain anc en la forza dals remedis natirals, la chemia dominescha il martgà da sanadad. La concurrenza entras grossists sco Coop ni chadainas d’apotecas ed il squitsch sin las apotecas independentas daventa adina pli gronds. Tgè influenza ha quai sin las apotecas?

Las midadas fin oz

Las apotecas han adattà il servetsch e l’offerta. Mo la vendita da medischinas renda betg pli. En l’apoteca vegn era purschì maglia, products da cosmetica e da schubregiar. La cussegliaziun n’è era betg pli gratuita. Persuenter porscha l’apoteca dad oz blers checks da sanadad. Il client po mesirar sia pressiun da sang ni far in check dal cor. Il sortiment da medicaments è vegnì engrondì fermamain. Mintga medicament vegn purschì da pliras interpresas. Per pudair conservar las medischinas correctamain, han las apotecas gia oz agid d’in roboter. Quel dosta ils medicaments correctamain e porta els sch’els vegnan duvrads en l’apoteca.

L’apoteca dal futur

NetCare, quai è in servetsch ch’intginas apotecas porschan gia oz. L’apoteca sa far ina diagnosa cun suandar in questiunari. Quai questiunari è vegnì sviluppà ed empermetta ina diagnosa correcta. Sch’il questiunari na po betg sclerir il mal, lura po l’apotecher consultar in medì per ina diagnosa finala. Quai po esser in medi local ni in medi via telecommunicaziun. Il servetsch è anc nov e sa chatta pir en la fasa da start. En il futur vegnan il servetsch e la cussegliaziun engrondids e meglierads. Uschia po l’apotecher era dar intginas virolas a glieud creschida che n’è betg en tgira tar in medi. Cun quellas innovaziuns duess l’apoteca levgiar la lavur dals medis en il chantun. Actualmain èn las salas da spetga emplenidas ed ils medis surdumandads. Las apotecas duain sa gidar cun lur servetsch. Per pudair garantir in bun servetsch han ils apotechers dal futur ina nova scolaziun. Els n’emprendan betg pli da far sez medischinas, mabain els vegnan scolads davart la cussegliaziun.

Facturs che sforzan midadas

La concurrenza dals medis e grossist è gronda. Entras l’autodispensaziun han ils medis il dretg da prescriver sez medischinas suenter l’emprima consultaziun. Suenter ston ils pazients ir en l’apoteca. Ed oz han grossists sco Coop sez apotecas. Quai è in grond problem per las apotecas independentas.

Artitgels legids il pli savens

Scrollar a sanestra Scrollar a dretga