Dals rodund 350 viticulturs hajan mo 3 u 4 insumma in indriz da bagnar. Da quels haja sulettamain in fatg diever da ses indriz las davosas emnas, uschia Jüstrich vinavant.
Chalurs e setgira han tuttina in'influenza sin las vignas
Pervia da las chalurs e da la setgira creschian las vits pli plaun. Las ivas na vegnian betg uschè grondas, dentant pli concentradas. Quai saja perfin bun per il vin. Per cas ch'i fa il proxim temps vinavant uschè chaud e sitg, saja la consequenza tenor Jüstrich, che la vendemia cumenzia gia il settember enstagl da l'october.
Chalira plitost problem per viticulturs sez
Il dischavantatg da las chalurs vesa il cumissari da viticultura plitost per ils viticulturs sezs: Senza vent saja quai fitg chaud da lavurar en las vignas ed els stoppian perquai cumenzar pli baud la damaun e lavurar pli ditg la saira.