Siglir tar il cuntegn

Header

video
Ricschas «Ir cun velo senza vegliadetgna»
Or da RTR dals 30.05.2016.
laschar ir. Durada: 39 Secundas.
cuntegn

Ulteriur Grischun Laschar sentir la libertad cun ricschas

L'uniun «Radeln ohne Alter» procura che glieud attempada ha la pussaivladad da vesair lur vitg cun velo. Per ils attempads munta ir cun ricscha puspè prender part a la societad. Da nov datti quatter talas ricschas en il Grischun.

Ole Kassow è l’inventader da las ricschas per attempads. Avant quatter onns ha el discurrì cun in um vegl che seseva mintga di avant la chasa da vegls sin in baun. Cura che l’um ha detg ch’el gieva mintga di cun velo, che quai na saja dentant betg pli pussaivel, ha Kassow immediat fittà ina ricscha per far ina tura cun el.

audio
Bunura: "Radeln ohne Alter" - project da ricschas per attempads
ord Actualitad dals 31.05.2016.
laschar ir. Durada: 2 minutas 31 Secundas.

L'idea è sa derasada sin l'entir mund

Oz datti talas ricschas en 200 citads en 27 tiaras. L’idea è ch’ils attempads possian puspè prender part a la societad. Cun emprender d’enconuscher nova glieud, cunquai che voluntaris van cun las ricschas, cun avair novas impressiuns, cun sentir il vent en ils chavels.

Ricschas era en Svizra

Purtà las ricschas èn Svizra ha la Grischuna Anina Flury. L’uniun «Radeln ohne Alter» sustegna enfin uss nov centers da vegls cun las ricschas, da nov era en il Grischun, a Cuira, Poschiavo, Arosa e Claustra.

ricscha, davos Christian Rathgeb e Doris Caviezel Hidber
Legenda: La ricscha è pronta. Christian Rathgeb e Doris Caviezel Hidber sa preparan per ir cun la ricscha. RTR, A. Hendry

Ventira

L’emprim viadi da ricschas a Cuira han la cussegliera da la citad Doris Caviezel Hidber ed il cusseglier guvernativ Christian Rathgeb fatg, sco pilots. Tuts han gì grond tschaffen, sur tut la dunna Michel che ha detg ch’ella na saja ditg betg pli stada uschè ventiraivla.

RR actualitad 08:00

Artitgels legids il pli savens