Siglir tar il cuntegn

Header

3 lieurs da Pasca da la butia da Arthur Büehler
Legenda: Lieurs da Pasca da la butia da Arthur Büehler RTR, A. Baselgia
cuntegn

Ulteriur Grischun Lieurs da Pasca sa vendan anc adina bain

Las emnas avant Pasca èn da vesair dapertut lieurs, almain lieurs da tschigulatta. Dasper las lieurs da las butias grondas chattan ins dentant era lieurs bunamain artisanalas.

Arthur Bühler da Cuira è pastizier da passiun. La fascinaziun per questa lavur ha el ertà da ses bab, perquai ha el era surpiglià il pitschen affar en vischinanza dal «Obertor».

Furmas nostalgicas

Sia spezialitad durant il temp da Pasca èn lieurs da tschigulatta nostalgicas. Las furmas per realisar questas lieurs ha el ramassà da tut las varts, tschertinas èn passa 150 onns veglias.

Dus aspects impurtants

Ma betg mo la furma, era la qualitad da la tschigulatta è impurtanta per avair success. Actualmain è la tschigulatta stgira cun 68% cacau, natiralmain biologica, el trend.

La pitschna butia da Arthur Bühler è stagnada plaina da products da Pasca. E quels ston vegnir vendids, perquai che Pasca è bainbaud puspè passà.

Artitgels legids il pli savens

Scrollar a sanestra Scrollar a dretga