Ulteriur Grischun - Luzein: Regenza ha approvà il project cunter aua gronda
La revisiun parziala da la planisaziun locala vegn approvada da la regenza, quai dentant cun intginas correcturas.
La finamira da quella revisiun è in project per la protecziun cunter aua gronda.
Il project duai proteger il territori «Under Dalvazza» cun la zona da mastergn e la serenera. La revisiun aveva la vischnanca da Luzein concludì la fin zercladur.
Il project cumpiglia sper las mesiras necessarias per la protecziun cunter aua gronda er mesiras per augmentar la valur da la zona umida «Dalvazza» per lung da la Landquart. Ultra da quai ha la vischnanca da Luzein adattà la zona da mastergn existenta en trais lieus.
