Maiavilla – collisiun suenter franada totala

Sin l’autostrada A13 ha ier suentermezdi in Audi blau stgir fatg pressiun sin in'automobilista. Tras quai è ella collidada cun la saiv da segirezza.

In auto donnegià cumplettamain sin la via. Bild in Lightbox öffnen.

Legenda da maletgs: Collisiun tar Maivailla - la polizia tschertga perditgas. PoCha

L'automobilista era en viadi las 16:40 da Landquart en direcziun da Maiavilla. Ella era sin il vial da surpassament cura ch’in Audi blau è rivà da davosvart ed ha dat signal da glisch. Tranter Maiavilla ed il paussadi Heidiland ha ella midà via sin il vial normal.

L’Audi ha surpassà l’automobilista, ha midà er el sin il vial normal ed ha fatg mo 2 meters avant l’auto da la dunna ina franada totala. Per betg collidar cun l’Audi ha la dunna franà ed è collidada en consequenza cun la saiv da segirezza. Ses auto è sa volvi per 180 grads ed è sa fermà cun in donn total. Levamain blessada è la dunna ida tar il medi.

La polizia chantunala grischuna tschertga ussa perditgas. Questas pon s'annunziar sin il post da polizia da Cuira.

RR novitads 10:00