Siglir tar il cuntegn

Ulteriur Grischun Maiavilla: Da la chasa municipala a la scola d’art

La radunanza communala da la citad da Maiavilla ha approvà ier saira cun 81 a 9 vuschs la restauraziun e sanaziun da la chasa municipala. Ella conceda in credit da 4,35 milliuns francs nizzegiar il fabricat istoric sco center per scolaziun creativa.

La fatschada da la chasa municipala.
Legenda: Da la chasa municipala da Maiavilla datti in center per lavur creativa. Keystone

Il fabricat istoric sa chatta entamez la citad veglia da Maivailla, il Städtli. Cun il nov center da cumpetenza per lavurs creativas vul Maiavilla dar tant in nov niz a la chasa municipala sco era activar la vita en il center istoric da la citad.

Il center istoric en ina vista totala da primavera.
Legenda: Nova vita per il center istoric da Maiavilla. RTR

Partenari da Maiavilla è l’institut per perfecziunament professiunal ibW planisescha in center da cumpetenza per lavurs creativas. En in emprim pass ha ina gruppa da lavur da la citad da Maiavilla elavurà cun l’institut in studi co nizzegiar las localitads.

L’onn 2013/14 è vegnì incumbensà il biro d’architectura Johannes Florin da Maivailla da realisar cun ses project «Bildungsbürger» ina emprim’etappa. Quella duai reglar en emprima lingia l’aczess a la chasa municipala.

Quest svilup è pussibel cun quai che la citad da Maiavilla aveva prendì en funcziun l’onn 2013 in nov stabiliment administrativ.

RR novitads 12:00