La radunanza communala da Maiavilla ha reelegì il venderdi saira il president da la citad, Heinz Dürler, per in’ulteriura perioda d’uffizi. Plinavant è Roman Guler vegnì elegì nov en il Cussegl da citad. Ils trais ulteriurs cussegliers da fin qua – Peter Bruhin, Christof Kuoni e Markus Zindel – èn vegnids reelegids.
Las elecziuns eran atgnamain planisadas gia avant passa in mais. Pervia da la situaziun da corona è la radunanza communala dentant vegnida spustada.